Ghana vs Switzerland scores: Williams, Lamptey and Ayew miss chances as first half end goaless

Ghana vs Switzerland scores: Williams, Lamptey and Ayew miss chances as first half end goaless

Updated: 12 days, 17 hours, 52 minutes, 31 seconds ago

Ghana vs Switzerland live updates: First half end goaless wit missed chances for de Black Stars Black stars in action

Wia dis foto come from, GFA

17 November 2022, 08:27 WAT

New Informate 6 minutes wey don pass

Ghana and Switzerland dey test dia strengths today inside friendly match ahead of 2022 Qatar World Cup which go start on Sunday.

Dis be de first meeting between de two countries on de field of play.

Unlike Ghana wey struggle to sail through to de tournament, Switzerland qualify to de World Cup two points ahead of top kontries like Italy. 

In dia qualifiers, dem no lose even one single point against kontries like Spain, Portugal and Czech Republic.

Ghana dey hope say by playing Switzerland wey beat Portugal, a win or draw against Switzerland means de Black Stars go fit handle Portugal.

Dis friendly hopefully go see two Arsenal midfielders Thomas Partey den Granit Xhaka facing off against each oda.

Despite playing as team mates for dia clubs, de two today go lead dia national teams separately in hopes of securing win for dia kontri.

1 min: Game don start!

Ghana 0-0 Switzerland

3 mins: Switzerland Denis Zakaria commit foul.

4 mins: Switzerland dey press Ghana

Missed Attempt by Switzerland Rubén Vargas. Im left foot shot from di left side of di box miss di goal.

10 mins: Ghana first corner of di match

12 mins: Offside, Ghana. Abdul Rahman Baba through pass to  André Ayew but im dey offside.

13 mins: Switzerland get more of di possession pass Ghana so far for di game.

18 mins: Di score na 0-0 but di European team get upperhand

20 mins: Ghana Daniel Afriyie wins free kick for good area.

22 mins: Corner for Switzerland.

23 mins: Chance for Ghana but Jordan Ayew shot go straight to di goalkeeper

25 mins: Both team take water break.

27 mins: Referee restart di game afta dia water break to cool off for di heat.

30 mins: Switzerland Silvan Widmer win  free kick for di right wing afta foul by Ghana Jordan Ayew.

31 mins: Missed attempt by Ghana Iñaki Williams im header from very close range dey wide to the right na Jordan Ayew cross di ball.

35 mins: Anoda missed chance from Ghana dis time na Tariq Lamptey right foot shot from outside di box wey go wide.

36 mins: Chance for Switzerland. Remo Freuler right footed shot from di right side of di penalty box go wide, na Breel Embolo give di pass.

39 mins: Offside for Switzerland. Rubén Vargas pass ball to Xherdan Shaqiri but na offside.

42 mins: Referee blow whistle for Foul by Switzerland Breel Embolo.

43 mins: Missed chance for Ghana, Jordan Ayew find Mohammed Salisu but im blast di ball over di bar.

45 + 1 mins: Half-Time

First Half don end, Ghana 0-0 Switzerland.

Team line-upCollage foto of Partey and Xhaka

Wia dis foto come from, Arsenal

Ghana XI

21 Abdul Samed, 17 Baba Rahman, 2 Lamptey, 4 Salisu, 13 Afriyie, 18 Amartey, 6 Owusu, 10 Ayew Andre (C), 9 Ayew Jordan, 19 Williams Inaki.

Switzerland XI

Sommer, 5 Akanji, 22 Schar, 3 Widmer, 18 Comert, 8 Freuler, 6 Zakaria, 10 Xhaka (C), 23 Shaqiri, 17 Vargas,  7 Embolo.

Black Stars friendlies result so far

Dis game be de final of three friendly matches de West African nation dey play as part of preparations for de de 2022 Fifa World Cup for Qatar. 

In de first game, Brazil beat Ghana 3 - 0, in dia second friendly Ghana manage beat Nicaragua 1 goal to nil.

De final match against Switzerland go determine how ready de Black Stars dey for de tournament.